Ky është turisti i parë që do fluturojë në hënë

23:41 | 18 Shtator 2018
Trina Galanxhi

Kompania e Elon Musk “SpaceX”, ka prezantuar pasagjerin e parë që planifikon të fluturojë drejtë hënës. Bëhet fjalë për bilionerin japonez Yusaku Maezaëa. 42-vjeçari i cili është një dashamirës arti, ka shprehur dëshirën të vizitojë hënën.

Ai pritet që të fluturojë me raketën “Big Falcon”, e prezantuar nga Musk në vitin 2016. Misioni është planifikuar për në vitin 2023, dhe do të jetë i pari që do të transportojë njerëz drejtë hënës.

Sipas kompanisë, ky fluturim do të realizohet për të gjithë njerëzit të cilët ëndërrojnë të vizitojnë hënën.

Bilioneri në fjalë vitin e kaluar bleu një pikturë për 110.5 milionë dollarë. Duke qenë se ai e adhuron artin, ka ftuar të paktën 8 artistë nga e gjithë bota që ti bashkohen atij në këtë fluturim. Ai dëshiron që pas përfundimit të misionit, këta artistë të krijojnë diçka të veçantë sapo të kthehen në tokë.

Vetëm 24 njerëz në botë kanë vizituar hënën, dhe të gjithë janë shtetas amerikanë./Opinion.al

Shpërndaje në rrjete sociale

Lajmet më të lexuara

Të ngjashme

Foto lajm